BMW ընկերությունը կսկսի բժշկական դիմակներ արտադրել
1 րոպեի ընթերցում
![BMW ընկերությունը կսկսի բժշկական դիմակներ արտադրել](http://armenpress.am/resized/480/static/news/b/2020/04/1011545.jpg)
ԵՐԵՎԱՆ, 8ԱՊՐԻԼԻ,ԱՐՄԵՆՊՐԵՍ: Գերմանական ավտոարտադրող BMW ընկերությունը հայտնել է, որ պատրաստ է անցնել բժշկական դիմակների արտադրության: «Արմենպրես»-ի հաղորդմամբ, «Deutsche welle»-ն տեղեկացնում է, որ այս մասին հայտնել է ընկերության գլխավոր տնօրեն Օլիվեր Ցիպսեն ապրիլի 8-ին Մյունխենում Բավարիայի դաշնային երկրամասի վարչապետ Մարկուս Զյոդերի հետ հանդիպմանը:
«Այսպիսով մենք ակտիվ կսկսենք աշխատել գլոբալ դեֆիցիտըվերացնելու ուղղությամբ: Շատ շուտով մենք կսկսենք օրական արտադրել մի քանի հարյուր հազար դիմակ: Դա կծառայի ինչպես մեր աշխատակիցների, այնպես էլ հասարակությանը մատարարելու համար»,-նշել է նա:
Ընկերությունում խոստացել են, որ ձեռք կբերեն անհրաժեշտ սարքավորումները: