Մոնակոյի արքայազն Ալբերը վարակվել է կորոնավիրուսով

ԵՐԵՎԱՆ, 19 ՄԱՐՏԻ, ԱՐՄԵՆՊՐԵՍ: Մոնակոյի արքայազն Ալբերը վարակվել է կորոնավիրուսով, թեստը դրական պատասխան է տվել: «Արմենպրես»-ի հաղորդմամբ, թագավորական պալատի տարածած հաղորդագրության համաձայն՝ նրա առողջական վիճակի հետ կապված անհանգստության առիթ չկա: Արքայազնը շարունակում է աշխատել իր առանձնատնից:

Աշխարհում կորոնավիրուսով վարակվածների թիվն անցնում է 220 հազարը, մահացածներինը՝ 9 հազար 300-ը: Ավելի քան 86 հազար մարդ ապաքինվել է: