1 րոպեի ընթերցում
ԵՐԵՎԱՆ, 13 ՄԱՐՏԻ, ԱՐՄԵՆՊՐԵՍ: Բրազիլիայի նախագահ Ժաիր Բոլսոնարուի մոտ նոր տիպի կորոնավիրուս (COVID-2019) չի հայտնաբերվել:Նրա թեսթի արդյունքը բացասական է: Ինչպես տեղեկացնում է «Արմենպրես»-ը, վկայակոչելով «ՌԻԱ Նովոստի»-ն, այս մասին հայտնում է նախագահի ֆեյսբուքի պաշտոնական էջը՝ հերքելով լրատվամիջոցներում տարածված տեղեկությունը:
«Մի հավատացեք կեղծ լուրերին»,- նշված է Բրազիլիա նախագահի էջում:
Ավելի վաղ, տեղական լրատվամիջոցները հայտնել էին, որ Բրազիլիայի նախագահը չի թաքցնում այն, ինչ ակնհայտ է, սակայն սպասում է կրկնակի հետազոտության արդյունքներին: Այդ երկրում չեղարկվել էր կիրակի՝ մարտի 15-ին, ծրագրված պրոիշխանական հանրահավաքը: