Բուլղարիայի իշխանությունները երկրում արտակարգ դրություն են հայտարարում կորոնավիրուսի պատճառով
1 րոպեի ընթերցում
![Բուլղարիայի իշխանությունները երկրում արտակարգ դրություն են հայտարարում կորոնավիրուսի պատճառով](http://armenpress.am/resized/480/static/news/b/2020/03/1008473.jpg)
ԵՐԵՎԱՆ, 13 ՄԱՐՏԻ, ԱՐՄԵՆՊՐԵՍ: Բուլղարիայի խորհրդարանը հավանություն Է տվել կորոնավիրուսի հետ կապված իրադրության պատճառով մարտի 13-ից մինչեւ ապրիլի 13-ը երկրում արտակարգ դրության ռեժիմ մտցնելուն, որն առաջարկել Էր երկրի վարչապետ Բոյկո Բորիսովը: Այդ մասին հայտնել Է Sofia Globe հրատարակությունը, տեղեկացնում Է «Արմենպրես»-ը:
Արտակարգ դրության ռեժիմի հարցը խորհրդարանի քվեարկությանն Էր դրվել նախօրյակին երկրի կառավարության արտահերթ խորհրդակցությունից հետո: Ինչպես նշում Է հրատարակությունը, Բուլղարիայի վարչապետն ավելի վաղ հայտարարել Է, որ այդ միջոցը երկրին անհրաժեշտ Է, քանի որ շատ մարդիկ չեն պահպանում կարանտինային ռեժիմը: Մինչ այժմ Բուլղարիայում հայտնաբերվել Է կորոնավիրուսով վարակման 23 դեպք, պացիենտներից մեկը մահացել Է, հաղորդել Է ՌԻԱ Նովոստին: