Կորոնավիրուսի բռնկման պատճառով Էվերեստը փակ է լինելու արշավախմբերի համար

ԵՐԵՎԱՆ, 13 ՄԱՐՏԻ, ԱՐՄԵՆՊՐԵՍ: Կորոնավիրուսի բռնկման պատճառով Էվերեստը փակ է լինելու արշավախմբերի համար: «Արմենպրես»-ի հաղորդմամբ` BBC-ն տեղեկացնում է, որ Նեպալի կառավարությունը հայտարարել է, որ լեռնագնացության թույլտվությունը չեղարկվում է մարտի 14-ից մինչև ապրիլի 30-ն ընկած ժամանակահատվածում: Չինաստանը նույնպես չեղարկել է լեռնագնացություններն ու արշավները:

Նեպալի լրատվամիջոցները նշում են, որ երկիրը տարեկան 4 մլն դոլար է ստանում Էվերեստի լեռնագնացության, արշավների թույլտվության համար:

Երկրի ղեկավարությունը հորդորում է Նեպալ ժամանողներին 14 օր մնալ տանը, սահմանափակել շփումները:

Նեպալ լեռնագնացներ հիմնականում գնում են ԱՄՆ-ից, Հնդկաստանից, Չինաստանից, Մեծ Բրիտանիայից, Ճապոնիայից: