1 րոպեի ընթերցում
ԵՐԵՎԱՆ, 11 ՄԱՐՏԻ, ԱՐՄԵՆՊՐԵՍ: Վրաստանի նախագահ Սալոմե Զուրաբիշվիլին չեղարկել Է իր արատասահմանյան այցերը կորոնավիրուսի տարածման պայմաններում աշխարհում ստեղծված իրադրության կապակցությամբ, տեղեկացնում Է «Արմենպրես»-ը՝ հղում անելով «Գրուզիա Online»-ին:
«Վրաստանի նախագահը, իշխանության մյուս ճյուղերի հետ համաձայնեցմամբ, չեղարկել Է պլանավորված այցերը Բուլղարիա, Ուկրաինա եւ Բելգիա: Նախքան հրապարակումը այս որոշման մասին ծանուցվել են մեր գործընկերները»,- ասված Է նախագահի վարչակազմի հայտարարության մեջ: