ԵՐԵՎԱՆ, 3 ՄԱՐՏԻ, ԱՐՄԵՆՊՐԵՍ: Չինաստանի մայրաքաղաքի իշխանությունները նոր կորոնավիրուսի տարածումը կանխելու նպատակով պարտադիր երկշաբաթյա կարանտին են սահմանել Իրանից, Իտալիայից, Կորեայի Հանրապետությունից ու Ճապոնիայից բոլոր ժամանողների համար: Այդ մասին մարտի 3-ին հայտնել Է Պեկինի քաղաքային կոմիտեի քարտուղարի տեղակալ Չեն Բեյը, տեղեկացնում Է «Արմենպրես»-ը:
«Ավելի վաղ մենք այն անձանց, որոնք Պեկին Էին ժամանում արտասահմանից եւ վերջին 14 օրը չԷին ապրել Չինաստանի տարածքում, թույլ Էինք տալիս չգտնվել տնային կարանտինի մեջ,-պատմել Է նա մամուլի ասուլիսում:- Այժմ, երբ արտասահմանում տարածվում Է կորոնավիրուսը, եւ իրադրությունը փոխվել Է, մենք համապատասխան կանոնների մեջ փոփոխություններ ենք մտցնում բոլոր այն անձանց համար, որոնք ժամանում են Իրանից, Իտալիայից, Հարավային Կորեայից կամ Ճապոնիայից», հաղորդել Է ՏԱՍՍ-ը: