Կայուն տեմպերով գնում ենք դեպի գարուն. Գագիկ Սուրենյան

ԵՐԵՎԱՆ, 17 ՓԵՏՐՎԱՐԻ, ԱՐՄԵՆՊՐԵՍ: Հանրապետությունում առաջիկա օրերին օդի ջերմաստիճանը նկատելի կբարձրանա: «Արմենպրես»-ի հաղորդմամբ, այս մասին «Ֆեյսբուք» սոցիալական ցանցի իր էջում գրել է ՀՀ ԱԻՆ Հիդրոմետ ծառայության Օդերևութաբանության կենտրոնի պետ Գագիկ Սուրենյանը:

«Այս շաբաթ նույնպես օդի ջերմաստիճանն այսօրվա համեմատ հանրապետության ողջ տարածքում մինչև շաբաթվա վերջ աստիճանաբար կբարձրանա 5-7 աստիճանով։ Կայուն տեմպերով գնում ենք դեպի գարուն»,-նշել է Գագիկ Սուրենյանը: