Մերկելը հունվարի 24-ին այցով կժամանի Թուրքիա
1 րոպեի ընթերցում
![Մերկելը հունվարի 24-ին այցով կժամանի Թուրքիա](http://armenpress.am/resized/480/static/news/b/2020/01/1001723.jpg)
ԵՐԵՎԱՆ, 17 ՀՈւՆՎԱՐԻ, ԱՐՄԵՆՊՐԵՍ: Գերմանիայի կանցլեր Անգելա Մերկելը հունվարի 24-ին աշխատանքային այցով կժամանի Թուրքիա, որտեղ Ստամբուլում բանակցություններ կանցկացնի երկրի նախագահ Թայիփ Էրդողանի հետ: Այդ մասին հունվարի 17-ին Բեռլինում կայացած ճեպազրույցում հայտնել Է Գերմանիայի նախարարների կաբինետի պաշտոնական ներկայացուցիչ Շտեֆեն Զայբերտը, տեղեկացնում Է «Արմենպրես»-ը:
«(Հունվարի 23-ին) Դավոսի (համաժողովին) մասնակցելուց հետո կանցլերը կուղեւորվի Ստամբուլ: Ուրբաթ օրն այնտեղ բանակցություններ կկայանան նախագահ Էրդողանի հետ»,-ասել Է նա: Դրանց արդյունքների շուրջ պլանավորված Է երկու ղեկավարների մամուլի ասուլիսը:
Մերկելը Գերմանա-թուրքական առեւտրական պալատի հրավերով նաեւ հանդիպում կունենա գործարար շրջանների ներկայացուցիչների հետ, հաղորդել Է ՏԱՍՍ-ը: