ՌԴ-ն և ԱՄՆ-ը խորհրդակցություններ են անցկացրել ռազմավարական կայունության հարցերի շուրջ

ԵՐԵՎԱՆ, 16 ՀՈՒՆՎԱՐԻ, ԱՐՄԵՆՊՐԵՍ: Ռուսաստանը և ԱՄՆ-ը Վիեննայում խորհրդակցություններ են անցկացրել ռազմավարական կայունության հարցերի շուրջ: Ինչպես հաղորդում է «Արմենպրես»-ը, այդ մասին տեղեկացրել է Վիեննայում գտնվող միջազգային կազմակերպություններում Ռուսաստանի մշտական ներկայացուցիչ Միխայիլ Ուլյանովը:

«Ռուսաստանը և ԱՄՆ-ն այսօր Վիեննայում անցկացրել են միջգերատեսչական խորհրդակցություններ ռազմավարական կայունության հարցերի ուղղությամբ: Ազգային պատվիրակությունները գլխավորել են ՌԴ ԱԳ փոխնախարար Սերգեյ Ռյաբկովը և Պետքարտուղարի տեղակալի պաշտոնակատար Քրիստոֆեր Ֆորդը»,- Թվիթերի իր միկրոբլոգում գրել է Ուլյանովը: