1 րոպեի ընթերցում
ԵՐԵՎԱՆ, 14 ՀՈՒՆՎԱՐԻ, ԱՐՄԵՆՊՐԵՍ: Հայաստանի Հանրապետության Ազգային ժողովի «Լուսավոր Հայաստան» խմբակցության պատգամավորները ՀՀ պաշտպանության նախարար Դավիթ Տոնոյանի հետ հանդիպում են ունեցել:
Ինչպես «Արմենպրես»-ին հայտնեցին «Լուսավոր Հայաստան» կուսակցությունից, հանդիպումը կայացել է «Լուսավոր Հայաստան» խորհրդարանական խմբակցության նախաձեռնությամբ:
Հանդիպման ընթացքում քննարկել են պաշտպանական գերատեսչությունում իրականացվող փոփոխությունները, ինչպես նաև ապագա բարեփոխումներին վերաբերող օրակարգային հարցեր:
Քննարկվել են նաև Հայաստանի ներքին և արտաքին մարտահրավերներին առնչվող մի շարք հարցեր:
Դավիթ Տոնոյանը պատասխանել է խմբակցության պատգամավորների հարցերին։
