Ժամանակը Երևանում՝ 11:07:36,   19 Հունվար

Ջերմոցային գազերի արտանետումների ծավալը ռեկորդային Է եղել 2018 թականին

Ջերմոցային գազերի արտանետումների ծավալը ռեկորդային Է եղել 2018 թականին

ԵՐԵՎԱՆ, 13 ՕԳՈՍՏՈՍԻ, ԱՐՄԵՆՊՐԵՍ: Անցյալ տարի հիմնական ջերմոցային գազերի արտանետումների ծավալը գերազանցել Է ռեկորդը, դրանց ազդեցությունը գլոբալ տաքացման վրա 1990 թվականի համեմատությամբ ուժեղացել Է 43 տոկոսով: Այդ մասին, ինչպես տեղեկացնում Է «Արմենպրես»-ը, հայտնել Է CNN-ը՝ վկայակոչելով ԱՄՆ-ի Օդերեւութաբանության ընկերության զեկույցը:

Ինչպես նշված Է, մթնոլորտում ածխաթթվական գազի պարունակությունը հասել Է պատմության մեջ ամենաբարձր մեծությանը՝ 407,4 մասի մեկ միլիոնի հաշվով: Նաեւ զեկույցում ասված Է, որ 2018 թվականը մտել Է պատմության մեջ ամենատաքերի քառյակը: Ընդ որում մյուս երեք տարիներն են՝ 2015, 2016 եւ 2017 թվականները: 2016 թվականը եղել Է ամենատաք տարին դիտարկումների սկզբից ի վեր, որոնք սկսել են կատարվել 1800-ական թվականների կեսերին:

Բացի դրանից, Համաշխարհային օվկիանոսում ջրի մակարդակը գերազանցել Է ռեկորդն արդեն յոթերորդ տարին անընդմեջ այն ժամանակից ի վեր, երբ 26 տարի առաջ դրան սկսեցին հետեւել արբանյակների միջոցով: 1993 թվականից ջուրը բարձրացել Է 81 միլիմետրով, ասված Է հաշվետվության մեջ: Ներկայում ջրի մակարդակը բարձրանում Է տասը տարում մոտավորապես 3,1 սանտիմետրով, հաղորդել Է «Ինտերֆաքսը»:




youtube

Բոլոր նորությունները    


Haypost

New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ