1000х90.jpg (78 KB)

Երևանում՝ 11:07,   28 Մարտ 2024

Ուկրաինացիները նոր խնդրագիր են ստորագրել՝ նախագահի աշխատակազմի ղեկավարին պաշտոնանկ անելու համար

Ուկրաինացիները նոր խնդրագիր են ստորագրել՝ նախագահի աշխատակազմի 
ղեկավարին պաշտոնանկ անելու համար

ԵՐԵՎԱՆ, 27 ՀՈՒԼԻՍԻ, ԱՐՄԵՆՊՐԵՍ: Ուկրաինայի նախագահ Վլադիմիր Զելենսկու աշխատակազմի ղեկավար Անդրեյ Բոգդանին պաշտոնազրկելու պահանջով խնդրագիրը պետության ղեկավարի կայքում հավաքել է անհրաժեշտ 25 հազար ստորագրությունները:

Խնդրագիրը, որը նախաձեռնել են մայիսի 23-ին, ստորագրել է 25 հազար 156 մարդ:

Ինչպես հաղորդում է «Արմենպրես»-ը՝ վկայակոչելով ուկրաինական լրատվամիջոցները, խնդրագիրը ստորագրողները նախագահից պահանջում են պաշտոնանկ անել իր աշխատակազմի ղեկավարին, քանի որ նա լյուստրացիայի մասին օրենքի համաձայն չի կարող ստանձնել այդ պոստը: Նման խնդրագիր նախկինում ևս ներկայացվել է՝ կրկին անհրաժեշտ թվով ստորագրություններով. Զելենսկին այն դիտարկել է, սակայն Բոգդանին թողել է նույն պաշտոնում:

Բոգդանը նախկինում եղել է օլիգարխ Իգոր Կոլոմոյսկու իրավաբանն ու խորհրդատուն և նախագահական ապարատում պաշտոնը ստանձնել է մայիսի 21-ին:  Հասարակությունը տարակուսանքով է արձագանքել այս նշանակմանը, քանի որ նա Վիկտոր Յանուկովիչի նախագահության ժամանակաշրջանում երկու անգամ կատարել է կառավարության լիազորի պարտականությունները հակակոռուպցիոն քաղաքականության իրականացման գործում և ընկնելով լյուստրացիայի օրենքի գործողության տակ չի կարող 10 տարի աշխատել պետական ծառայության համակարգում՝ մինչև 2024թ.:  Բոգդանն ինքը համարում է, որ անարդարացիորեն է ընկել լյուստրացիայի օրենքի գործողության տակ:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]