Երևանի քաղաքապետարանի բնապահպանության վարչության պետն ազատվել է աշխատանքից

ԵՐԵՎԱՆ, 15 ՀՈՒԼԻՍԻ, ԱՐՄԵՆՊՐԵՍ: Երևանի քաղաքապետարանի բնապահպանության վարչության պետ Խաչիկ Հակոբյանը սեփական դիմումի համաձայն ազատվել է աշխատանքից:

«Արմենպրես»-ի հետ զրույցում լուրը հաստատեց Երևանի քաղաքապետի մամուլի խոսնակ Հակոբ Կարապետյանը:

«Հակոբյանն ազատվել է իր դիմումի համաձայն, դիմումը ներկայացրել է հուլիսի 12-ին»,- նշեց Կարապետյանը։

Նա նաև հավելեց, որ վերջին շրջանում քաղաքապետ Հայկ Մարությանը պարբերաբար դժգոհություն էր հայտնում քաղաքի կանաչապատման աշխատանքների վերաբերյալ: