364.56
Ուկրաինայում կայացած ընտրությունները համապատասխանել են համաշխարհային չափորոշիչներին. ԵԱՀԿ
2 րոպեի ընթերցում
ԵՐԵՎԱՆ, 1 ԱՊՐԻԼԻ, ԱՐՄԵՆՊՐԵՍ: Ուկրաինայում ընտրություններն անցել են ազատ եւ համապատասխանել են Եվրոպայի անվտանգության ու համագործակցության կազմակերպության (ԵԱՀԿ) չափորոշիչներին: Այդ մասին, ինչպես տեղեկացնում Է «Արմենպրես»-ը, ապրիլի 1-ին հայտարարել Է ԵԱՀԿ-ի Խորհրդարանական վեհաժողովի պատվավոր նախագահ Իլկա Կաներվան՝ ամփոփելով միջազգային դիտորդների աշխատանքի արդյունքները:
«Ընտրությունները համապատասխանել են համաշխարհային չափորոշիչներին <…> եւ ազատ Էին»,-նշել Է նա: Իր հերթին ԵԱՀԿ-ի խորհրդարանական վեհաժողովում ԳԴՀ-ի ներկայացուցիչ Դորիս Բառնետը հայտարարել Է, թե անհրաժեշտ Է, որ Ուկրաինայի նախագահի բոլոր թեկնածուները ճանաչեն քվեարկության առաջին փուլի արդյունքները: «Կարեւոր Է, որ ընտրությունների բոլոր մասնակիցները ճանաչեն առաջին փուլի արդյռունքները,-ասել Է նա:- Մենք հուսով ենք, որ երկրորդ փուլը նույնպես կանցնի խաղաղ եւ առանց Էքսցեսների»:
Բառնետը հավելել Է, թե ԵԱՀԿ-ի միջազգային դիտորդների առաքելությունն այն կարծիքին չԷ, որ նախագահական ընտրություններին Ռուսաստանից դիտորդներին թույլ տալուց Կիեւի հրաժարվելը կարող Էր ազդել քվեարկության արդյունքների վրա:
«Մեկ երկրից դիտորդների բացակայությունը չի կարող որեւԷ ազդեցություն ունենալ ընտրությունների լեգիտիմության վրա՝ հաշվի առնելով դիտորդների անսովոր մեծ թվաքանակն այլ երկրներից»,-ասել Է նա, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում