365.95
Կուբայում ինքնաթիռ է կործանվել. 110 ուղևորներից երեքը ողջ են մնացել
1 րոպեի ընթերցում
ԵՐԵՎԱՆ, 19 ՄԱՅԻՍԻ, ԱՐՄԵՆՊՐԵՍ: Կուբայի Հավանա քաղաքից դեպի Օլգին ուղևորվող ինքնաթիռի կործանվելու հետևանքով 110 ուղևորներից երեքը ողջ են մնացել: Ինչպես հաղորդում է «Արմենպրես»-ը՝ վկայակոչելով «ՌԻԱ Նովոստի»-ն, ողջ մնացած երեք կանանց վիճակը կայուն է, սակայն նրանց կյանքին դեռևս վտանգ է սպառնում:
Հիվանդանոցի տնօրենը հայտնել է, որ տուժածների ստացած վնասվածքները դեռևս նրանց կյանքի համար վտանգ են պարունակում, ուստի նրանց ինտենսիվ բժշկական միջամտություն է անհրաժեշտ: Բժիշկների վիրահատական միջամտությունից հետո էլ նրանց վիճակը շարունակում է ծանր գնահատվել:
Ինքնաթիռը թռիչքից կարճ ժամանակ անց կործանվել էր մայիսի 18-ին: Կործանման պատճառները հստակեցվում են:
Կուբայում պաշտոնապես սուգ է հայտարարվել:
Սև արկղերը դեռ հայտնաբերված չեն:
Բաժանորդագրվեք մեր ալիքին Telegram-ում