ԱՄՆ-ը կարող Է շատ շուտով հեռանալ Սիրիայից. Թրամփ
ԵՐԵՎԱՆ, 30 ՄԱՐՏԻ, ԱՐՄԵՆՊՐԵՍ: ԱՄՆ-ի նախագահ Դոնալդ Թրամփը մարտի 29-ին, ելույթ ունենալով Ռիչֆիլդում (Օհայոյի նահանգ), հայտարարել Է, որ Միացյալ Նահանգները կարող Է Սիրիայից հեռանալ «Իսլամական պետություն» խմբավորման ջախջախումից հետո:
«Մենք սատկացնում ենք ԻՊ-ին, մենք շատ շուտով կհեռանանք Սիրիայից: Թող այժմ ուրիշներն այդ մասին հոգան»,- ասել Է նա: Այդ մասին, ինչպես տեղեկացնում Է «Արմենպրես»-ը, հայտնել Է ՏԱՍՍ-ը: Միացյալ Նահանգների ղեկավարը խոստացել Է, որ խմբավորումը կկորցնի իր կողմից բռնազավթած ամբողջ տարածքը: «Բայց մենք պատրաստվում ենք շատ շուտով հեռանալ այնտեղից, վերադառնալ մեր երկիր, որին պատկանում ենք, որտեղ ցանկանում ենք լինել»,- եզրափակել Է նախագահը:
Թրամփի խոսքը լիովին հակասում Է այս թեմայով ամերիկյան վարչակազմի անցյալ հայտարարություններին: Այսպես, այս տարվա հունվարին փոխնախագահ Մայքլ Փենսը պնդում Էր, որ Վաշինգտոնը «հետամուտ Է Սիրիայում ներկայությանը», ընդ որում ոչ միայն ԻՊ-ի ջախջախման նպատակով, «այլեւ Իրանի թշնամական ազդեցության կասեցման համար»: Իր հերթին նախկին պետքարտուղար Ռեքս Թիլերսոնը փետրվարին նշում Էր, որ Սիրիայում ամերիկացի զինվորականների ներկայությունը պետք Է դառնա կայունացնող գործոն, որը կնպաստի ՄԱԿ-ի հովանու ներքո անցկացվող Ժնեւի բանակցային գործընթացին:
Բաժանորդագրվեք մեր ալիքին Telegram-ում