Բունդեսթագում տեղի ունեցավ Անգելա Մերկելի երդմնակալության արարողությունը
ԵՐԵՎԱՆ, 14 ՄԱՐՏԻ, ԱՐՄԵՆՊՐԵՍ: Անգելա Մերկելը, որը չորրորդ անգամ անընդմեջ ընտրվել Է Գերմանիայի կանցլեր, երդում Է տվել Բունդեսթագում: Մինչ այդ ԳԴՀ-ի նախագահ Ֆրանկ Վալտեր Շտայնմայերը նրան հաստատել Է պաշտոնում գերմանական խորհրդարանում ընտրվելուց հետո, տեղեկացնում Է «Արմենպրես»-ը:
Մերկելը արտասանել Է երդման ավանդական տեքստը, որը ամրագրված Է ԳԴՀ-ի Հիմնական օրենքի 56-րդ հոդվածում: Բունդեսթագում Մերկելի թեկնածության շուրջ գաղտնի քվեարկությանը մասնակցել Է 692 պատգամավոր, չորս քվեաթերթիկ անվավեր Է ճանաչվել: Մերկելի օգտին ձայն Է տվել 364 պատգամավոր: Ընդ որում՝ նրա վերընտրման համար անհրաժեշտ նվազագույնը կազմում Էր 355 ձայն: Ներկայիս գումարման Բունդեսթագում ընդգրկված Է 709 պատգամավոր, հաղորդել Է ՌԻԱ Նովոստին:
"So wahr mir Gott helfe." – Bundeskanzlerin Merkel hat ihren Amtseid abgelegt. pic.twitter.com/8LnUq9DhhG
— ZDF heute (@ZDFheute) 14 марта 2018 г.
Բաժանորդագրվեք մեր ալիքին Telegram-ում