Մայքլ Փենսը չի բացառել ԿԺԴՀ-ի ներկայացուցիչների հետ հանդիպումը Հարավային Կորեայում
1 րոպեի ընթերցում
![Մայքլ Փենսը չի բացառել ԿԺԴՀ-ի ներկայացուցիչների հետ հանդիպումը Հարավային Կորեայում](http://armenpress.am/resized/480/static/news/b/2018/02/921563.jpg)
ԵՐԵՎԱՆ, 6 ՓԵՏՐՎԱՐԻ, ԱՐՄԵՆՊՐԵՍ: ԱՄՆ-ի փոխնախագահ Մայքլ Փենսը չի բացառում, որ Կորեայի Հանրապետություն առաջիկա այցի ընթացքում կարող Է շփումներ ունենալ ԿԺԴՀ-ի պաշտոնատարների հետ, սակայն անձամբ ինքը նման հանդիպում անցկացնելու առաջարկություն չի արել:
Այդ մասին, ինչպես տեղեկացնում Է «Արմենպրես»-ը, Փենսը փետրվարի 5-ին լրագրողներին հայտնել Է Ալյասկայի Էլմենդորֆ-Ռիչարդսոն ռազմաբազայում: «Ինչ վեաբաբերում Է հյուսիսկորեական պատվիրակության հետ որեւիցե փոխգործակցությանը, ես նման հանդիպում չեմ առաջարկել:
Բայց տեսնենք՝ ինչ կլինի»,- ասել Է ԱՄՆ-ի փոխնախագահը: Ինչպես ավելի վաղ հայտարարել Է Սպիտակ տան մամուլի ծառայությունը, Փենսը կգլխավորի ԱՄՆ-ի պատվիրակությունը Փյոնչհանում ձմեռային Օլիմպիական խաղերի բացման արարողությանը: Բացի այդ, ԱՄՆ-ի վարչակազմի ղեկավարի տեղակալն արտասահմանյան այդ ուղեւորության ընթացքում կայցելի Սեուլ եւ Տոկիո, հաղորդել Է ՏԱՍՍ-ը: