Թրամփը հրաժարվել է Կոնգրեսին հաստատում ներկայացնել Իրանի կողմից միջուկային համաձայնագրին հետևելու վերաբերյալ
1 րոպեի ընթերցում
![Թրամփը հրաժարվել է Կոնգրեսին հաստատում ներկայացնել Իրանի կողմից միջուկային համաձայնագրին հետևելու վերաբերյալ](http://armenpress.am/resized/480/static/news/b/2017/10/908902.jpg)
ԵՐԵՎԱՆ, 13 ՀՈԿՏԵՄԲԵՐԻ, ԱՐՄԵՆՊՐԵՍ: Ամերիկայի Միացյալ Նահանգների նախագահ Դոնալդ Թրամփը հրաժարվել է Կոնգրեսին հաստատել, որ Իրանը հետևում է միջուկային ծրագրի վերաբերյալ համաձայնագրին:
Ինչպես հաղորդում է «Արմենպրես»-ը, խոսքը Իրանի կողմից միջուկային համաձայնագրին հետևելու մասին Կոնգրեսին տրվող ֆորմալ հաստատման մասին է, որը հիմնված է Թեհրանի հետ միջուկային համաձայնագրերի վերահսկողության վերաբերյալ ամերիկյան ներքին օրենսդրության վրա:
«Ես հայտարարում եմ, որ մենք չենք կարող և չենք անի նման հաստատում»,- ասել է Թրամփը ամերիկացիներին ուղղված ուղերձում՝ պարզաբանելով, որ ամերիկյան օրենքի նորմերը ենթադրում են, որ նախագահի կողմից Կոնգրեսին նման հաստատում պետք է լինի յուրաքանչյուր 90 օրը մեկ անգամ: