ԱԺ արտաքին հարաբերությունների հանձնաժողովը փակ ձևաչափով քննարկել է Իրաքյան Քրդաստանի անկախության հանրաքվեի հարցը
17:44, 2 Հոկտեմբեր 2017
ԵՐԵՎԱՆ, 2 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանի Ազգային ժողովի արտաքին հարաբերությունների մշտական հանձնաժողովը փակ ձևաչափով քննարկել է «Իրաքյան Քրդստանի անկախության հանրաքվե. ազդեցություններ տարածաշրջանի վրա» հարցը: Այս մասին «Արմենպրես»-ին տեղեկացրին ՀՀ ԱԺ արտաքին հարաբերությունների մշտական հանձնաժողովից:
Նիստը նախագահել է ՀՀ ԱԺ արտաքին հարաբերությունների մշտական հանձնաժշողովի նախագահ, ՀՀԿ խմբակցության պատգամավոր Արմեն Աշոտյանը: Քննարկմանը մասնակցել են ոլորտի փորձագետներ, Արցախի Հանրապետության ԱԺ արտաքին հարաբերությունների մշտական հանձնաժողովի նախագահ Արզիկ Մխիթարյանը: Նիստի սկզբին թեմայի վերաբերյալ հիմնական զեկույցով հանդես է եկել փորձագետ Վարդան Ոսկանյանը:
Բաժանորդագրվեք մեր ալիքին Telegram-ում