Իրաքյան Քրդստանի իշխանությունները չեն պատրաստվում անկախության հռչակել հանրաքվեից անմիջապես հետո

ԵՐԵՎԱՆ, 25 ՍԵՊՏԵՄԲԵՐԻ, ԱՐՄԵՆՊՐԵՍ: Իրաքյան Քրդստանի ղեկավարությունը մտադիր չԷ կենտրոնական կառավարությունից անկախության հռչակել հանրաքվեի ավարտից անմիջապես հետո, որը սեպտեմբերի 25-ին ընթանում Է Իրաքի քրդական ինքնավարության տարածքում: Այդ մասին հայտարարել Է տարածաշրջանի կառավարության ղեկավար Նեչիրվան Բարզանին:

«Մենք անկախություն չենք հռչակի հանրաքվեից անմիջապես հետո,-նրա խոսքը մեջբերել Է Rudaw հեռուստաալիքը:-Մենք կայունության գործոն ենք եղել տասնամյակներ շարունակ եւ այդպիսին կմնանք այսուհետեւ»: Ընդսմին նա հավաստել Է, որ Էրբիլը պնդում Է Բաղդադի հետ երկխոսության շարունակումը: Խոսելով հանրաքվեին Թուրքիայի արձագանքի մասին՝ Բարզանին հույս Է հայտնել, որ Անկարան «հանգիստ կվերաբերի հանրահարցմանը», եւ հավաստիացրել Է, որ քրդական ինքնավարությունն իր գործողություններով «ոչ ոքի չի սպառնում», հաղորդել Է ՏԱՍՍ-ը: