Երևանի խանութներից մեկում տեղի է ունեցել զինված ավազակային հարձակում
14:07, 9 Դեկտեմբեր 2016
ԵՐԵՎԱՆ, 9 ԴԵԿՏԵՄԲԵՐԻ, ԱՐՄԵՆՊՐԵՍ: Երևանի Հարավ-Արևմտյան թաղամասի Անդրանիկի փողոցում գտնվող խանութներից մեկում կրակոցներ են եղել: Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապի և լրատվական ծառայությունից, առավոտյան ժամը 9:13 րոպեին ահազանգ են ստացել այն մասին, որ Անդրանիկի փողոցում գտնվող խանութներից մեկում կրակոցներ են եղել, ավազակային հարձակում է կատարվել:
Լրատվական ծառայությունից փոխանցեցին, որ քննիչները դեռ տեղում աշխատում են: Ոստիկանության ծառայողներն էլ ձեռնարկում են միջոցառումներ դեպքը բացահայտելու համար:
Բաժանորդագրվեք մեր ալիքին Telegram-ում