Երևանում՝ 11:07,   27 Մայիս 2024

Հայաստանի պատվիրակները հաղթել են Եվրոպական առաջին երիտասարդական բաց Դելփյան խաղերում

Հայաստանի պատվիրակները հաղթել են Եվրոպական առաջին երիտասարդական բաց 
Դելփյան խաղերում

ԵՐԵՎԱՆ, 14 ՄԱՅԻՍԻ, ԱՐՄԵՆՊՐԵՍ: ՀՀ մշակույթի նախարարության աջակցությամբ և մասնագիտական ընտրությամբ` ՀՀ պատվիրակությունը մայիսի 2-7-ը Վոլգոգրադում մասնակցել է Եվրոպական առաջին երիտասարդական բաց Դելփյան խաղերին, որոնցում ընդգրկված է եղել 2604 մասնակից՝ ավելի քան 26 երկրից: Ինչպես «Արմենպրես»-ին տեղեկացրին ՀՀ մշակույթի նախարարության հասարակայնության հետ կապերի բաժնից,  Հայաստանյան պատվիրակությունը կազմված է եղել 15 հոգուց, այդ թվում` 7 մասնակից և ժյուրիի 4 անդամ։ Մասնագիտական հանձնաժողովներում Հայաստանից ընդգրկված են եղել  Բարսեղ Թումանյանը, Արմեն Բաբախանյանը, Ավետիկ Գինոսյանը, Նունե Աղբալյանը:

Հայ մասնակիցներից Ջուլիետտա Սարգսյանը և Սուսան Խալաթյանը «Կրկես» անվանակարգում արժանացել են առաջին մրցանակի և ոսկե մեդալի: Նույն անվանակարգում դիպլոմի է արժանացել Լուսինե Արիստակեսյանը: «Դաշնամուր» անվանակարգում երկրորդ մրցանակ և արծաթե մեդալ է նվաճել Անահիտ Առուշանյանը, իսկ Մարիաննա Աբրահամյանը նույն անվանակարգում արժանացել է բրոնզե մեդալի: Աննա Միրզոյանը «Հագուստի ձևավորում» անվանակարգում նվաճել է բրոնզե մեդալ, «Դասական երգեցողություն» անվանակարգում երկրորդ մրցանակով և արծաթե մեդալով է պարգևատրվել  Սարգիս Բաժբեուկ-Մելիքյանը:

Սկսած 2002 թվականից՝ Հայաստանը մասնակցում է ԱՊՀ երկրներում կազմակերպվող Դելփյան խաղերին: Մասնակիցների թվով Հայաստանը զիջում է շատ երկրների, սակայն, թիմային հաշվարկով՝ արժանանում պատվավոր տեղերի: 2010 թվականին Հայրենական Մեծ պատերազմի հաղթանակի 65-ամյակին նվիրված խաղերն անց են կացվել Հայաստանում. մեր երկիրը նվաճել է 36 մեդալ (15 ոսկե, 14 արծաթե, 7 բրոնզե մեդալ և 43 դիպլոմ)՝ զբաղեցնելով խմբակային  առաջին տեղը:


Բաժանորդագրվեք մեր ալիքին Telegram-ում






youtube

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am