Այս տարի Հայաստանում կկատարվեն կարմրուկի դեմ համատարած պատվաստումներ
00:00, 27 Մարտ 2007
ԵՐԵՎԱՆ, 27 ՄԱՐՏԻ, ԱՐՄԵՆՊՐԵՍ(թղթ. Էլմիրա Բաղդասարյան): Հայաստանում այս տարի, հավանաբար հոկտեմբերից, կսկսվեն կարմրուկի զանգվածային պատվաստումներ: Հիգիենիկ հակահամաճարակային տեսչության պետ Արտավազդ Վանյանի տեղեկացմամբ, մինչ այս, Հայաստանում կատարվում են տարիքային պատվաստումներ: Նշենք, որ աշխարհում կարմրուկի համաճարակից տարեկան տուժում է 30-40 մլն երեխա: Ամեն տարի այն խլում է շուրջ 530 հազար մարդու կյանք: 2004-2005թ.թ. Հայաստանում գրանցվել է կարմրուկի 4 հազար 64 դեպք:
Բաժանորդագրվեք մեր ալիքին Telegram-ում