Երևանին անհրաժեշտ է 18 մետրանոց ևս 250 ավտոբուս. քաղաքապետ
1 րոպեի ընթերցում
![Երևանին անհրաժեշտ է 18 մետրանոց ևս 250 ավտոբուս. քաղաքապետ](http://armenpress.am/resized/480/static/news/b/2024/05/1138055.jpg)
ԵՐԵՎԱՆ, 27 ՄԱՅԻՍԻ, ԱՐՄԵՆՊՐԵՍ։ Երևանի քաղաքապետ Տիգրան Ավինյանը 18 մետր երկարության նոր ավտոբուսներ ձեռք բերելու գործընթացը հնարավորինս արագացնելու համար հանձնարարել է այդ ծրագիրը դիտարկել համայնքի բյուջեով: «Արմենպրես»-ի հաղորդմամբ՝ այդ մասին նա հայտարարել է քաղաքապետարանի՝ մայիսի 27-ի գործակարգավարական նիստում:
«Հասարակական տրանսպորտում բարեփոխումները պետք է հասցվեն ավարտին, ինչի համար մեզ պետք է ևս 250 հատ 18 մետրանոց ավտոբուս: Մենք այս ուղուց որևէ կերպ չենք շեղվելու, թեկուզև փուլային եղանակով ու դժվարություններով՝ պետք է իրականացնենք ծրագիրը»,- ընդգծել է նա: