Լոռու մարզում աղետի հետ կապված Երևանը պատրաստ է մարդկային և տեխնիկական ռեսուրսներով աջակցել ՏԿԵ նախարարությանը և մյուս պետական գերատեսչություններին
1 րոպեի ընթերցում
![Լոռու մարզում աղետի հետ կապված Երևանը պատրաստ է մարդկային և տեխնիկական ռեսուրսներով աջակցել ՏԿԵ նախարարությանը և մյուս պետական գերատեսչություններին](http://armenpress.am/resized/480/static/news/b/2024/05/1137990.jpg)
ԵՐԵՎԱՆ, 26 ՄԱՅԻՍԻ, ԱՐՄԵՆՊՐԵՍ։ Երևանը պատրաստ է մարդկային և տեխնիկական ռեսուրսներով հնարավորինս աջակցել ՏԿԵ նախարարությանը և մյուս պետական գերատեսչություններին։
«Արմենպես»-ի փոխանցմամբ՝ այս մասին Ֆեյսբուքի իր էջում գրել է Երևանի քաղաքապետ Տիգրան Ավինյանը։
«Ցավով հետևում եմ Լոռու մարզում առատ տեղումների հետևանքով ստեղծված իրավիճակին: Կապ եմ հաստատել ՀՀ տարածքային կառավարման և ենթակառուցվածքների նախարար Գնել Սանոսյանի հետ և հայտնել, որ Երևանը պատրաստ է մարդկային և տեխնիկական ռեսուրսներով հնարավորինս աջակցել նախարարությանը և մյուս պետական գերատեսչություններին, ինչպես նաև դժվար պահին առավելագույն չափով ձեռք մեկնել մեր հայրենակիցներին», - գրել է նա։