Հնդկաստանի հյուսիսում ուժգին տապի պատճառով վտանգի կարմիր մակարդակ են հայտարարել
1 րոպեի ընթերցում
![Հնդկաստանի հյուսիսում ուժգին տապի պատճառով վտանգի կարմիր մակարդակ են հայտարարել](http://armenpress.am/resized/480/static/news/b/2024/05/1137642.jpg)
ԵՐԵՎԱՆ, 22 ՄԱՅԻՍԻ, ԱՐՄԵՆՊՐԵՍ։ Հնդկաստանի օդերևութաբանական վարչությունը երկրի հյուսիսի մի քանի նահանգներում 5 օրով վտանգի կարմիր մակարդակ է սահմանել այնտեղ տիրող սաստիկ տապի պատճառով։
«Արմենպրես»-ի փոխանցմամբ՝ The Times of India պարբերականը հաղորդում է, որ ցերեկը ջերմաստիճանը կարող է հասնել ըստ Ցելսիուսի սանդղակի 47 աստիճանի։
Առողջապահության ոլորտի մասնագետները մարդկանց նախազգուշացրել են շատ հեղուկներ օգտագործել և դրսում չգտնվել, հատկապես ժամը 11։00-ից 16։00-ի հատվածում, քանի որ ուժգին տապի կարող է տարբեր առողջական խնդիրներ առաջացնել։
Ի հակադրություն հյուսիսում տիրող տապի, երկրի հարավային նահանգներում առաջիկա 2-3 օրերին սպասվում են հորդառատ անձրևներ։