368.54
Իլ-76 ինքնաթիռի կործանման հետևանքով ՌԴ-ում 15 մարդ է զոհվել
1 րոպեի ընթերցում
ԵՐԵՎԱՆ, 12 ՄԱՐՏԻ, ԱՐՄԵՆՊՐԵՍ: Ռուսաստանի Իվանովոյի մարզում Իլ-76 ինքնաթիռ է կործանվել պլանային թռիչքի ժամանակ, հայտնել են ՌԴ պաշտպանության նախարարությունում: Այդ մասին «Արմենպրես»-ը տեղեկանում է ՏԱՍՍ գործակալությունից։
Ինքնաթիռում եղել են անձնակազմի 8 անդամ և 7 ուղևոր: Ենթադրաբար, նրանք բոլորը զոհվել են:
«Ներկայումս մոտակայքում գտնվող բնակչության կյանքին վտանգ չի սպառնում», - գրել է Իվանովոյի շրջանի ղեկավար Սերգեյ Նիզովը VKontakte սոցցանցի իր էջում։
Ռազմափոխադրական Իլ-76 ինքնաթիռի կործանման վայր է մեկնել հանձնախումբ՝ միջադեպի պատճառները պարզելու համար։ Նիզովը հավելել է, որ տեղում աշխատում են օպերատիվ խումբ և հատուկ տեխնիկա:
Բաժանորդագրվեք մեր ալիքին Telegram-ում