Երևանում՝ 11:07,   29 Մայիս 2024

Հայաստանը գրանցված աշխատատեղերի նոր ռեկորդ է սահմանել. վարչապետ

Հայաստանը գրանցված աշխատատեղերի նոր ռեկորդ է սահմանել. վարչապետ

ԵՐԵՎԱՆ, 23 ՆՈՅԵՄԲԵՐԻ, ԱՐՄԵՆՊՐԵՍ։ Հայաստանի Հանրապետությունում 2023 թվականի հոկտեմբերին արձանագրվել է 730 հազար գրանցված աշխատատեղ, ինչը բացարձակ ռեկորդ է երրորդ Հանրապետության պատմության ընթացքում: «Արմենպրես»-ի հաղորդմամբ՝ կառավարության նիստին այս մասին հայտարարեց վարչապետ Նիկոլ Փաշինյանը։

«2023 թվականի հոկտեմբերի տվյալներով Հայաստանում գրանցված աշխատատեղերի նոր ռեկորդ ունենք՝ գերազանցել ենք 730 հազար թիվը։ Պետք է արձանագրեմ, որ 2018 թվականի մայիսից ի վեր Հայաստանի Հանրապետությունում ստեղծվել է շուրջ 183 հազար նոր աշխատատեղ և մեր տնտեսական դինամիկան ցույց է տալիս, որ այդ աշխատատեղերը կշարունակեն ստեղծվել»,-ասաց Փաշինյանը։

Վարչապետը հույս հայտնեց, որ Լեռնային Ղարաբաղից բռնի տեղահանվածներին աշխատանքի շուկայում և տնտեսական համակարգում լիարժեք ներգրավելու արդյունքում տնտեսական աճի դինամիկան ավելի լավը կլինի։

 


Բաժանորդագրվեք մեր ալիքին Telegram-ում






youtube

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am