Երևանում՝ 11:07,   4 Մարտ 2024

Միջնորդների համար ընկալելի է Հայաստանի դիրքորոշումը, որ միջանցքի մասին խոսք լինել չի կարող․ Խանդանյան

Միջնորդների համար ընկալելի է Հայաստանի դիրքորոշումը, որ միջանցքի մասին 
խոսք լինել չի կարող․ Խանդանյան

ԵՐԵՎԱՆ, 14 ՀՈՒՆԻՍԻ, ԱՐՄԵՆՊՐԵՍ։ Հայաստանը երբեք չի բանակցելու իր տարածքով Ադրբեջանին միջանցք տրամադրելու շուրջ․ «Զանգեզուրի միջանցք» բառակապակցության թեման Հայաստանի Հանրապետության համար փակ է։

«Արմենպրես»-ի հաղորդմամբ՝ այս մասին ԱԺ-ում լրագրողների հետ ճեպազրույցում ասաց ԱԺ արտաքին հարաբերությունների մշտական հանձնաժողովի նախագահ Սարգիս Խանդանյանը՝ անդրադառնալով Ադրբեջանի նախագահ Իլհամ Ալիևի հայտարարությանը այն մասին, թե այսպես կոչված «Զանգեզուրի միջանցք»-ի բացումն անխուսափելի է։

«Մտացածին «Զանգեզուրի միջանցք» բառակապակցության թեման Հայաստանի Հանրապետության համար փակ է։ Սա ակնհայտ է և ընդունելի ու հասկանալի է նաև այն կողմերի համար, որոնք միջնորդում են բանակցություններում»,- ասաց Խանդանյանը՝ հավելելով, որ Հայաստանի տարածքով միջանցքի թեմա չկա և չի կարող լինել, Հայաստանը երբեք չի բանակցի դրա շուրջ։

Նա հավելեց, որ Ադրբեջանի նախագահի հայտարարություններն անհանգստություն են պատճառում, քանի որ դրանք չեն նպաստում բանակցային գործընթացին։

 


Բաժանորդագրվեք մեր ալիքին Telegram-ում






youtube

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]