ԵՐԵՎԱՆ, 8 ՀՈՒՆԻՍԻ, ԱՐՄԵՆՊՐԵՍ: Գրոսմայստեր Լևոն Արոնյանը, որպես շախմատի աշխարհի գավաթը շատ սիրող մարդ, ցանկանում է մասնակցել Աշխարհի գավաթ 2023-ին, սակայն որպես հայ իրեն ապահով չի զգա Ադրբեջան մեկնել։

«Արմենպրես»-ի փոխանցմամբ՝ Արոնյանը նման գրառում է կատարել Թվիթեր-ի իր միկրոբլոգում։

«Երկընտրանքի առաջ եմ: Որպես մարդ, ով շատ է սիրում աշխարհի գավաթը, ես կցանկանայի մասնակցել Աշխարհի գավաթ 2023-ին, բայց որպես հայ ես ինձ ապահով չեմ զգա Բաքու մեկնելիս» ,-նշել է Արոնյանը։

I have a dilemma. As a person who enjoys the world cup very much,
i would love to take part in the world cup 2023, but as an Armenian I don’t feel safe traveling to Baku,Azerbaijan.Since FIDE has been promoting the hybrid format i am more than willing to play from place possible

— Levon Aronian (@LevAronian) June 7, 2023

Նա հավելել է՝ քանի որ Շախմատի միջազգային ֆեդերացիան խթանում է հիբրիդային ձևաչափը, ինքը կցանկանար խաղալ ցանկացած հնարավոր վայրից։