Երևանում՝ 11:07,   3 Մարտ 2024

Հարավային Կորեայի նախագահը ՄԱԿ-ի ԱԽ-ում երկրի ընտրությունը համարել է դիվանագիտության հաղթանակ

Հարավային Կորեայի նախագահը ՄԱԿ-ի ԱԽ-ում երկրի ընտրությունը համարել է 
դիվանագիտության հաղթանակ

ԵՐԵՎԱՆ, 7 ՀՈՒՆԻՍԻ, ԱՐՄԵՆՊՐԵՍ: Կորեայի Հանրապետության նախագահ Յուն Սոկ Յոլը «գլոբալ դիվանագիտության հաղթանակ» է համարել իր երկրի ընտրությունը ՄԱԿ-ի Անվտանգության խորհրդի ոչ մշտական ​​անդամ։ Ինչպես «Արմենպրես»-ը տեղեկանում է ТАСС գործակալությունից, այդ մասին հայտնել է Հարավային Կորեայի ղեկավարի վարչակազմը։

«ՄԱԿ-ի անդամ 192 պետություններից 180-ի աջակցությունը մեր անդամակցությանը՝ որպես Անվտանգության խորհրդի ոչ մշտական ​​անդամ, գլոբալ դիվանագիտության հաղթանակն է», - հայտնել է նախագահը ։

Բացի Կորեայի Հանրապետությունից, 2024-2025 թվականներին   ՄԱԿ-ի Անվտանգության խորհրդի ոչ մշտական ​​անդամներ են ընտրվել նաև Ալժիրը, Գայանան, Սլովենիան և Սիերա Լեոնեն։

Կորեայի Հանրապետությունն իր պատմության մեջ երրորդ անգամ է տեղ ստանում Անվտանգության խորհրդում։ Նախկինում հարավկորեական կողմը ՄԱԿ-ի Անվտանգության խորհրդում է եղել 1996-1997 և 2013-2014 թվականներին:

Ակնկալվում է, խորհրդի աշխատանքներին մասնակցությունը Սեուլին թույլ կտա ամրապնդել համագործակցությունն ԱՄՆ-ի հետ միջազգային կազմակերպության շրջանակներում և առաջ տանել սեփական նախաձեռնությունները Կորեական թերակղզու խնդիրների վերաբերյալ:


Բաժանորդագրվեք մեր ալիքին Telegram-ում






youtube

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]