Սիրիային հասցված ԱՄՆ-ի ավիահարվածները կապված չեն Իրանի միջուկային համաձայնագրի վերականգնման բանակցությունների հետ
ԵՐԵՎԱՆ, 25 ՕԳՈՍՏՈՍԻ, ԱՐՄԵՆՊՐԵՍ: ԱՄՆ-ի ռազմաօդային ուժերի հարվածները Սիրիայի տարածքի օբյեկտներին, որոնք, ինչպես պնդվում Է, կապված են իրանական Իսլամական հեղափոխության պահապանների զորակազմի (ԻՀՊԶ) հետ, կապված չեն Իրանի միջուկային համաձայնագրի վերականգնման շուրջ բանակցությունների հետ:
Այդ մասին, ինչպես տեղեկացնում Է «Արմենպրես»-ը, հայտարարել Է ԱՄՆ-ի պաշտպանության փոխնախարար Քոլին Քոլը: «ԱՄՆ-ի ավիահարվածները Սիրիայի արեւելքում ուղերձ են Իրանին եւ Թեհրանի կողմից աջակցվող աշխարհազորայիններին, որոնք այս ամսին գրոհել են ամերիկյան զորքերի վրա, իսկ այս տարի՝ մի քանի անգամ»,-Քոլն օգոստոսի 24-ին հայտարարել Է լրագրողներին: Նա հավելել Է, որ սա դարձել Է այն բանի ցուցադրությունը, որ «Միացյալ Նահանգներն առանց տատանումների իրեն կպաշտպանի իրանական ու Իրանի կողմից աջակցվող ագրեսիայից, երբ դա տեղի ունենա»:
Ինչպես նախօրյակին հաղորդել Է ԱՄՆ-ի զինված ուժերի կենտրոնական հրամանատարությունը, ԱՄՆ-ի ռազմաօդային ուժերը նախագահ Ջո Բայդենի ցուցումով հարվածներ են հասցրել Սիրիայի տարածքի օբյեկտներին, որոնք, ինչպես պնդվում Է, կապված են Դեյր Էզ Զորի նահանգում ԻՀՊԶ-ի հետ: Associated Press (AP) գործակալությունը հաղորդել Է, որ դրանից շատ չանցած հրթիռակոծության են ենթարկվել Սիրիայի հյուսիս-արեւելքում գտնվող ամերիկյան երկու ռազմակայանները, որոնք տեղակայված են նավթի ու գազի խոշոր հանքավայրերի մերձակայքում, հաղորդել Է «Ինտերֆաքս»-ը:
Բաժանորդագրվեք մեր ալիքին Telegram-ում