Բրիտանիան Շվեդիայի և Ֆինլանդիայի հետ ստորագրել է անվտանգային նոր համաձայնագրեր
19:34, 11 Մայիս 2022
ԵՐԵՎԱՆ, 11 ՄԱՅԻՍԻ, ԱՐՄԵՆՊՐԵՍ: Մեծ Բրիտանիան անվտանգության ոլորտում նոր համաձայնագրեր է ստորագրել Շվեդիայի և Ֆինլանդիայի հետ: «Արմենպրես»-ի փոխանցմամբ, այս մասին ասվում է Բրիտանիայի վարչապետ Բորիս Ջոնսոնի գրասենյակի հայտարարության մեջ:
«Շվեդիայի և Ֆինլանդիայի հետ անվտանգության ոլորտում ստորագրված հռչակագրերը երկրների միջև ամուր վստահության խորհրդանիշն են»,- ասվում է հայտարարության մեջ: Նշվել է, որ փաստաթղթերը թույլ կտան «Եվրոպայում բարձրացնել անվտանգության մակարդակը», իսկ Բրիտանիան կկարողանա երկու երկրներում էլ ավելացնել իր ռազմական ներկայությունը՝ ռազմական տեխնիկայի ու անձնակազմի տեղակայման միջոցով:
Բաժանորդագրվեք մեր ալիքին Telegram-ում