Անհայտ անձն ահազանգել է Երևան-Մոսկվա չվերթի ինքնաթիռում ռումբի առկայության մասին

ԵՐԵՎԱՆ, 21 ԱՊՐԻԼԻ, ԱՐՄԵՆՊՐԵՍ: Ապրիլի 21-ին ժամը 16.10-ին ոստիկանություն ահազանգ է ստացվել այն մասին, որ Երևան-Մոսկվա չվերթի ինքնաթիռում ռումբ կա:

«Արմենպրես»-ի հաղորդմամբ՝ այս մասին հայտնեցին ոստիկանության մամուլի ծառայությունից:

Ոստիկանությունից նշեցին նաև, որ ահազանգը ստացվել է թռիչքից առաջ, և այս պահին իրականացնում են ստուգումներ: