Sony Pictures-ը դադարեցնում է գործունեությունը Ռուսաստանում

ԵՐԵՎԱՆ, 12 ՄԱՐՏԻ, ԱՐՄԵՆՊՐԵՍ: Sony Pictures Entertainment ընկերությունը հայտարարել է, որ Ուկրաինայում ռուսական կողմի գործողությունների պատճառով որոշում է կայացրել դադարեցնել գործունեությունը Ռուսաստանում: Ինչպես փոխանցում է«Արմենպրես»-ը, այս մասին հայտնում է Variety պարբերականը:

Ավելի վաղ ընկերությունը կասեցրել էր իր ֆիլմերի վարձույթը Ռուսաստանի տարածքում:

«Մենք աջակցում ենք ողջ աշխարհի ձեռնարկություններին, որոնք ներկայում դադարեցրել են գործունեությունը Ռուսաստանում և աջակցում ենք հումանիտար ջանքերին, որոնք գործադրվում են Ուկրաինայում»,- հայտնել է ընկերության գործադիր տնօրեն Թոնի Վինչիկերուն: