391.07
ՌԴ-ն պատրաստ է հարթակ տրամադրել թալիբների և աֆղանական հասարակության միջև բանակցությունների համար
1 րոպեի ընթերցում
ԵՐԵՎԱՆ, 27 ՀՈՒՆՎԱՐԻ, ԱՐՄԵՆՊՐԵՍ: Ռուսական կողմը պատրաստ է մոսկովյան հարթակ տրամադրել թալիբների (շարժումը ահաբեկչական գործունեության համար ՄԱԿ-ի պատժամիջոցների տակ է) և աֆղանական հասարակության այլ ներկայացուցիչների միջև բանակցությունների համար:
«Արմենպրես»-ի հաղորդմամբ՝ ինչպես հայտնել է «ՌԻԱ Նովոստի»-ն, այս մասին ասել է ՌԴ ԱԳՆ տեղեկատվության և մամուլի վարչության պետի տեղակալ Ալեքսեյ Զայցևը ճեպազրույցում:
«Ինչպես նախկինում հայտարարել ենք՝ մենք պատրաստ ենք մոսկովյան հարթակ տրամադրել՝ Աֆղանստանի շահագրգիռ կողմերի միջև բանակցությունների համար՝ նպաստելու ներաֆղանական խաղաղ գործընթացի շուտափույթ ավարտին», - ասել է Զայցևը:
Բաժանորդագրվեք մեր ալիքին Telegram-ում