Երևանի նոր քաղաքապետ է ընտրվել Հրաչյա Սարգսյանը

ԵՐԵՎԱՆ, 22 ԴԵԿՏԵՄԲԵՐԻ, ԱՐՄԵՆՊՐԵՍ։ Երևանի ավագանին նոր քաղաքապետ է ընտրել Հրաչյա Սարգսյանին։

Ինչպես տեղեկացնում է «Արմենպրես»-ը, Հրաչյա Սարգսյանի թեկնածության օգտին կողմ է քվեարկել ավագանու 44, դեմ՝ 10 անդամ, անվավեր է համարվել 3 քվեաթերթիկ։

Երևանի ավագանու «Իմ քայլը» խմբակցությունը քաղաքապետ Հայկ Մարությանին անվստահություն հայտնելու նախաձեռնություն էր սկսել և քաղաքապետի պաշտոնում առաջադրել էր քաղաքապետի տեղակալ Հրաչյա Սարգսյանի թեկնածությունը: Մարությանին անվստահություն հայտնելու հարցն ավագանին քննարկեց դեկտեմբերի 22-ի արտահերթ նիստում: