Ժամանակը Երևանում՝ 11:07:36,   28 Նոյեմբեր

Չեխիայում արտակարգ դրություն է հայտարարվել կորոնավիրուսի պատճառով

Չեխիայում արտակարգ դրություն է հայտարարվել կորոնավիրուսի պատճառով

ԵՐԵՎԱՆ, 25 ՆՈՅԵՄԲԵՐԻ, ԱՐՄԵՆՊՐԵՍ: Երկրում տիրող ծանր համաճարակաբանական իրավիճակի պատճառով Չեխիայի կառավարությունը որոշում է կայացրել նոյեմբերի 26-ից երկրում արտակարգ իրավիճակ մտցնել, հաղորդում է չեխական հեռուստատեսությունը։ Այս մասին հայտնում է «Արմենպրես»-ը՝ հղում անելով «ՌԻԱ Նովոստի»-ին։ 

«Նոյեմբերի 26-ից Չեխիայի Հանրապետության Նախարարների կաբինետի կողմից սահմանված արտակարգ ռեժիմը նախատեսում է, մասնավորապես, առաջին փուլում ավելի քան 1000 մարդու մասնակցությամբ զանգվածային մշակութային և սպորտային միջոցառումների չեղարկում, ռեստորանների, բարերի փակում։ Թույլատրվում են միայն փողոցային ամանորյա առևտուրները։ Այս և որոշ այլ միջոցառումներ կարող են իրականացվել միայն արտակարգ ռեժիմով»,- ասվում է հաղորդագրության մեջ։

Վերջին օրերին Չեխիայում նոր ռեկորդ է սահմանվել։ Մեկ օրում COVID-19-ով 25 864 մարդ է վարակվել։ Չեխական հեռուստատեսության տվյալներով՝ այժմ հիվանդության մակարդակով երկիրը աշխարհում Սլովակիայից հետո երկրորդ տեղում է։

Նոյեմբերի 22-ից Չեխիայում արդեն գործում է արգելափակում այն քաղաքացիների համար, ովքեր չեն պատվաստվել և երկրորդ անգամ չեն վարակվել COVID-19-ով։

 








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]