Ժամանակը Երևանում՝ 11:07:36,   29 Մայիս 2022

Լեհաստանը Լիտվայի և Լատվիայի հետ քննարկում Է ՆԱՏՕ-ի խորհրդի գումարման հնարավորությունը միգրանտների խնդրի պատճառով

Լեհաստանը Լիտվայի և Լատվիայի հետ քննարկում Է ՆԱՏՕ-ի խորհրդի գումարման 
հնարավորությունը միգրանտների խնդրի պատճառով

ԵՐԵՎԱՆ, 14 ՆՈՅԵՄԲԵՐԻ, ԱՐՄԵՆՊՐԵՍ: Լեհաստանը Լիտվայի և Լատվիայի հետ քննարկում է ՆԱՏՕ-ի խորհրդի գումարման հնարավորությունը Բելառուսի հետ սահմանին ստեղծված իրադրության պատճառով: Այդ մասին, ինչպես տեղեկացնում է «Արմենպրես»-ը՝ հղում անելով «ՌԻԱ Նովոստի»-ին, հայտարարել է հանրապետության վարչապետ Մատեուշ Մորավեցկին:

«Մենք Լատվիայի և, հատկապես, Լիտվայի հետ քննարկում ենք, թե արդյոք պետք չէ գործարկել ՆԱՏՕ-ի 4-րդ հոդվածը»,- ասել է Մորավեցկին РАР գործակալությանը տված հարցազրույցում:

Հյուսիսատլանտյան դաշինքի մասին պայմանագրի 4-րդ հոդվածը նախատեսում է ՆԱՏՕ-ի խորհրդի գումարման հնարավորություն, եթե ՆԱՏՕ-ի երկրներից մեկը կարծում է, որ առկա է նրա անվտանգության սպառնալիք:

ՏԱՍՍ-ը հայտնում է, որ լեհական սահմանապահ ծառայությունը սահմանի բելառուսական կողմում նկատել է Լեհաստանի տարածք միգրանտների զանգվածային ճեղքման նախապատրաստման նշաններ: Այդ մասին գերատեսչությունը հայտնել է կիրակի Twitter-ում։








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]