Ժամանակը Երևանում՝ 11:07:36,   26 Հոկտեմբեր

Դամասկոսը պահանջել Է անհապաղ դուրս բերել թուրքական զորքերը Սիրիայից

Դամասկոսը պահանջել Է անհապաղ դուրս բերել թուրքական զորքերը Սիրիայից

ԵՐԵՎԱՆ, 23 ՍԵՊՏԵՄԲԵՐԻ, ԱՐՄԵՆՊՐԵՍ: Սիրիայի կառավարությունը համառորեն պնդում Է, որպեսզի Թուրքիան անհապաղ դուրս բերի իր զորքերը հանրապետության հյուսիսային նահանգների տարածքից: Այդ մասին հայտարարել Է երկրի արտաքին գործերի նախարար Ֆեյսալ Միքդադը, տեղեկացնում Է «Արմենպրես»-ը:

Այսպես Է նա արձագանքել վերջերս Իդլիբի նահանգում լարվածության Էսկալացմանը: «Ես կարծում եմ, որ Թուրքիան պետք Է անհապաղ դուրս բերի զորքերը: Միջազգային հանրակցությունը, իր հերթին, պետք Է աջակցի Սիրիայի ջանքերը երկրի հյուսիսում Թուրքիայի կողմից բռնազավթված տարածքների ազատագրման ուղղությամբ»,-ՌԻԱ Նովոստիին ասել Է Միքդադը:

Նա հավելել Է, որ այդ Էսկալացիայի հիմնական պատճառը «թուրքական օկուպացիան Է, ինչպես նաեւ այն աջակցությունը, որն Անկարան ցուցաբերում Է ահաբեկչական խմբավորումներին երկրում»:

Այս տարվա օգոստոսին Սիրիայի հարցերով ՄԱԿ-ի հատուկ հանձնակատար Հեյր Փեդերսենը հայտնել Էր անվտանգության ոլորտում իրադրության վատթարացման եւ Սիրիայի առանձին շրջաններում զինված հակամարտության սրվելու մասին: Նա այն ժամանակ հատուկ ուշադրություն Էր դարձրել Իդլիբի նահանգի իրադրությանը: Փեդերսենի կարծիքով, այսպիսի ինտենսիվ բախումներ արաբական հանրապետության այս շրջանում չի եղել 2020 թվականի գարնանից ի վեր: Ավելի վաղ ռադիո Sputnik-ը հաղորդել Էր, որ Սիրիայի իշխանությունները վերադարձրել են վերահսկողությունը Դերիա նահանգի նկատմամբ:








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]