362.34
ԱՄՆ-ն Աֆղանստանում ահաբեկիչ զինյալի է ոչնչացրել
1 րոպեի ընթերցում
ԵՐԵՎԱՆ, 28 ՕԳՈՍՏՈՍԻ, ԱՐՄԵՆՊՐԵՍ: ԱՄՆ զինվորականներն Աֆղանստանում հատուկ գործողություն են իրականացրել՝ ընդդեմ «Իսլամական պետություն» ահաբեկչական խմբավորման ճյուղ համարվող «Իսլամական պետությունը Խորասանում» խմբավորման զինյալի դեմ, ով ղեկավարել է հարձակումները: Նախնական գնահատականներով՝ զինյալը ոչնչացվել է: Ինչպես հաղորդում է «Արմենպրես»-ը, այս մասին ասվում է ԱՄՆ զինված ուժերի կենտրոնական հրամանատարության ներկայացուցիչ Ուիլիամ Ուրբանի հայտարարության մեջ:
Հարվածը հասցվել է անօդաչու թռչող սարքի միջոցով՝ Նանգարհար նահանգում: Տեղեկություններ քաղաքացիական բնակչության շրջանում տուժածների վերաբերյալ չկան:
Նախնական տվյալներով՝ հենց «Իսլամական պետությունը Խորասանում» խմբավորումն է Քաբուլի օդանավակայանում տեղի ունեցած ահաբեկչության պատասխանատուն: Նշվում է, որ խմբավորումը նախապատրաստում է ևս մեկ հարձակում:
Բաժանորդագրվեք մեր ալիքին Telegram-ում