Մեծ Բրիտանիայում նախատեսում են հանել դիմակ կրելու պահանջը՝ պայմանավորված պատվաստումների բարձր ցուցանիշով

ԵՐԵՎԱՆ, 5 ՀՈՒԼԻՍԻ, ԱՐՄԵՆՊՐԵՍ: Մեծ Բրիտանիայում COVID-19-ի «դելտա» շտամը շատ արագ տարածվում է, չնայած դրան հոսպիտալացումների և մահացության թիվը ցածր է:

«Արմենպրես»-ի հաղորդմամբ՝ « Euronews»-ը տեղեկացնում է, որ Մեծ Բրիտանիայի բնակչության 85 տոկոսն արդեն պատվաստման առաջին դեղաչափը ստացել է: Պատվաստումների նման հաջող ընթացքով պայմանավորված՝ դիտարկվում է դիմակ դնելու պահանջը հանել:

Առողջապահության համաշխարհային կազմակերպությունը հարուստ երկրներին կոչ է անում աղքատ պետությունների հետ կիսվել պատվաստանյութերով ու պաշտպանիչ միջոցներով: