Ռուսաստանի ԱԳՆ-ում հույս ունեն, որ Իրանը շուտ կվավերացնի Կասպից ծովի կարգավիճակի մասին կոնվենցիան
ԵՐԵՎԱՆ, 8 ԱՊՐԻԼԻ, ԱՐՄԵՆՊՐԵՍ: Ռուսաստանը հույս ունի, որ Իրանը հնարավորինս շուտ կվավերացնի Կասպից ծովի իրավական կարգավիճակի մասին կոնվենցիան, որը 2018 թվականին ստորագրել են «կասպիական հնգյակի» երկրները: Ապրիլի 8-ին այդ մասին հայտարառրել Է Ռուսաստանի արտաքին գործերի նախարար Սերգեյ Լավրովը՝ Ղազախստանի փոխվարչապետ, արտաքին գործերի նախարարության ղեկավար Մուհտար Տլեուբերդիի հետ կայացած բանակցությունների արդյունքներին նվիվրած մամուլի ասուլիսում, տեղեկացնում Է «Արմենպրես»-ը:
«Հույս ունենք, որ Իրանում հնարավորինս շուտ կավարտվեն Կասպից ծովի իրավական կարգավիճակի մասին կոնվենցիայի վավերացման ընթացակարգերը, որն ստորագրվել Է երեք տարի առաջ Ակտաուում, եւ այն ժամանակ այդ կարեւորագույն փաստաթութն ուժի մեջ կմտնի եւ կամրապնդի Կասպից ծովում մեր փոխգործակցության հիմքը»,- ասել Է նա:
2018 թվականի օգոստոսին Ակտաուում Կասպիական V-ի գագաթնաժողովի արդյունքներով Ռուսաստանի, Ղազախստանի, Իրանի, Ադրբեջանի եւ Թուրքմենստանի նախագահներն ստորագրել են Կասպից ծովի իրավական կարգավիճակի մասին կոնվենցիան: Փաստատուղթութն անժամկետ Է եւ ուժի մեջ կմտնի այն ստորագրած բոլոր հինգ պետությունների կողմից վավերացումից հետո: Ներկայումս Կոնվենցիան վավերացրել են չորս մասնակիցներ՝ Թուրքմենստանը (2018 թվականի դեկտեմբեր), Ղազախստանը եւ Ադրբեջանը (2019 թվականի փետրվար), Ռուսաստանը (2019 թվականի հոկտեմբեր), հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում