Երևանի կամերային երգչախումբը Սուրբ Ծնունդին նվիրված առցանց համերգ կցուցադրի
1 րոպեի ընթերցում
![Երևանի կամերային երգչախումբը Սուրբ Ծնունդին նվիրված առցանց համերգ կցուցադրի](http://armenpress.am/resized/480/static/news/b/2021/01/1039555.jpg)
ԵՐԵՎԱՆ, 5 ՀՈՒՆՎԱՐԻ, ԱՐՄԵՆՊՐԵՍ: Սուրբ Ծնունդի կապակցությամբ Երևանի պետական կամերային երգչախումբը «Ֆեյսբուք»-ի պաշտոնական էջում կներկայացնի համերգ՝ ձայնագրված հատուկ Ամերիկայի հայկական թանգարանի համար:
«Արմենպրես»-ի հաղորդմամբ՝ երաժշտասերները համերգը կարող են ունկնդրել հունվարի 5-ին՝ ժամը 22:30-ին:
Երջանկահիշատակ մաեստրո Հարություն Թոփիկյանի հիմնադրած երգչախումբը համերգի ընթացքում հանդես է գալիս Քրիստինա Ոսկանյանի ղեկավարությամբ: Հնչում են Կոմիտասի, Կոնստանտին Պետրոսյանի, Ֆելիքս Մենդելսոնի, Ֆրանց Գրուբերի և այլ կոմպոզիտորների հայտնի ստեղծագործություններ:
Համերգն իրականություն է դարձել թանգարանի համերգային շարքի ղեկավար մաեստրո Կոնստանտին Պետրոսյանի և Dadourian Foundation-ի ջանքերով: