367.89
ԱՄՆ պետդեպը նշել է, որ դեռ կա ռուսական C-400-ների պատճառով Թուրքիայի նկատմամբ պատժամիջոցներ կիրառելու հնարավորությունը
1 րոպեի ընթերցում
ԵՐԵՎԱՆ, 2 ՆՈՅԵՄԲԵՐԻ, ԱՐՄԵՆՊՐԵՍ: Ամերիկայի Միացյալ Նահանգների օրակարգում դեռ կա Թուրքիայի նկատմամբ պատժամիջոցներ կիրառելու հավանականությունը` պայմանավորված վերջինս կողմից ռուսական C-400 զենիթահրթիռային համակարգերի ձեռքբերմամբ: «Արմենպրես»-ի փոխանցմամբ, ինչպես հայտնում է ՏԱՍՍ-ը, այս մասին լրագրողների հետ զրույցում ասել է ԱՄՆ Պետական քարտուղարի ռազմա-քաղաքական հարցերով օգնական Քլարք Կուպերը:
«Ինչ վերաբերում է պատժամիջոցներին, ապա այդ հնարավորությունը միշտ դիտարկվել է: Չկա որևէ նախօրոք ծրագրված ժամանակահատված այդ հարցի քննարկման և պատժամիջոցների կիրառման համար»,- ասել է Կուպերը:
Թուրքիան ռուսական C-400 զենիթահրթիռային համակարգեր է ձեռք բերել և արդեն իսկ փորձարկումներ իրականացրել, ինչի պատճառով ԱՄՆ զգուշացրել է պատժամիջոցներ կիրառելու մասին:
Բաժանորդագրվեք մեր ալիքին Telegram-ում