Արցախի ՊՆ-ն հերքում է հրադադարի հաստատման մասին լուրերը
15:53, 8 Հոկտեմբեր 2020
ՍՏԵՓԱՆԱԿԵՐՏ, 8 ՀՈԿՏԵՄԲԵՐԻ, ԱՐՄԵՆՊՐԵՍ: Արցախի Հանրապետության պաշտպանության նախարարությունը հերքում է հոկտեմբերի 8-ին ժամը 18:00-ից հրադադարի հաստատման մասին լրատվամիջոցների տարածած ապատեղեկատվությունը:
«Հայկական և օտարերկրյա զանգվածային լրատվամիջոցներում տարածվող տեղեկատվությունն առ այն, որ կողմերի միջև ձեռք է բերվել հստակ պայմանավորվածություն հոկտեմբերի 8-ին կրակի դադարեցման վերաբերյալ, իրականությանը չի համապատասխանում»,-«Արմենպրես»-ի հաղորդմամբ՝ տեղեկացնում են Արցախի Հանրապետության պաշտպանության նախարարությունից:
Բաժանորդագրվեք մեր ալիքին Telegram-ում