368.26
ՌԴ և Բելառուսի նախագահները քննարկել են Բելառուսում ստեղծված իրավիճակը և կորոնավիրուսի դեմ պայքարը
1 րոպեի ընթերցում
ԵՐԵՎԱՆ, 24 ՕԳՈՍՏՈՍԻ, ԱՐՄԵՆՊՐԵՍ։ Բելառուսի նախագահ Ալեքսանդր Լուկաշենկոյի և Ռուսաստանի նախագահ Վլադիմիր Պուտինի միջև օգոստոսի 24-ին տեղի է ունեցել հեռախոսազրույց: Ինչպես տեղեկացնում է «Արմենպրես»-ը, այս մասին հաղորդագրություն է տարածել Բելառուսի նախագահի լրատվական ծառայությունը։
Նախագահները քննարկել են ստեղված իրավիճակը Բելառուսի ներսում և շուրջը, հատկապես Բելառուսի արևմտյան ուղղությունը։
Բացի այդ, պետությունների ղեկավարները քննարկել են կորոնավիրուսի դեմ պայքարը: Այս կապակցությամբ նախագահները համաձայնել են, որ Բելառուսի քաղաքացիները ինքնակամ մասնակցեն Ռուսաստանի Դաշնությունում արտադրված կորոնավիրուսային պատվաստանյութի փորձարկումների երրորդ փուլին: Բելառուսը կդառնա նաև առաջին երկիրը, որը կստանա այս պատվաստանյութը:
Բաժանորդագրվեք մեր ալիքին Telegram-ում