«Բարսելոնա»-ն ցմահ պայմանագիր կառաջարկի Մեսսիին  

ԵՐԵՎԱՆ, 16 ՆՈՅԵՄԲԵՐԻ, ԱՐՄԵՆՊՐԵՍ: Կատալոնական «Բարսելոնա»-ն անժամկետ պայմանագիր կառաջարկի Լեո Մեսսիին:

«Արմենպրես»-ի հաղորդմամբ` այս մասին գրում է իսպանական մամուլը: Նախնական տեղեկությունների համաձայն, կողմերն ունեն արդեն ստորագրած մինչև 2021 թվականը նախատեսված պայմանագիր: «Կապտանռնագույնների» ղեկավարությունը ցանկություն ունի Մեսսիի հետ նաև ցմահ պայմանագիր ստորագրել:

Արգենտինայի ֆուտբոլի ազգային թիմի ավագ Լեո Մեսսին «Բարսելոնա»-ում է 2000 թվականից: «Բարսելոնա»-ի առաջին թիմի կազմում հանդես է գալիս 2004 թվականից: